Bli med heim säsong 1

Peter Olai bur ei veke hos mamma og ei veke hos pappa. Men kvar gong han skal byte mellom foreldra synes han det er både litt trist og litt bra. Korleis er kvardagen for Peter Olai?

Anna har to mammaer og ingen pappa. Av og til saknar ho ein pappa, fordi det har nesten alle vennene ho kjenner. Men Anna er kjempeglad i begge mammaene sine, og håpar dei vil vere kjærastar for alltid.

Benhur har ikkje sett pappa sidan han var liten baby, ikkje sidan Benhur, storebror Berhane og mamma flykta til Norge frå krigen i Eritrea. I sju år har dei venta på at pappa skulle komme til Norge og no kjem han endeleg snart!

Mille bur i ein familie med seks søsken! Ho synes småsøskena bråkar mykje og tar leikane hennar utan å spørje. Men det er kjekt og alltid ha nokon å leike med.

Vi møter Max og familien hans. Far til Max døydde nettopp av kreft, og alt er forandra. Familien skal flytte tilbake til Nederland, der dei kom frå då Max var liten. Max tenkjer på pappa nesten heile tida.

Leah har ein morfar som er sirkusdirektør og ei mor som har sirkusskule. Leah har øvd i mange år for å bli luftakrobat, og no skal ho endeleg få lov til å opptre i morfars sirkus!

Theptida har nettopp fått ein ny familie i Norge. Ho har budd heile livet sitt i Thailand utan mor eller far, men no er ho adoptert. Det betyr at ho har fått ein ny mamma, pappa og storesøster i Norge.

Victoria sin mamma er blind, men sjølv om ho ikkje kan sjå klarar ho mykje sjølv. Victoria synes det er trist at mamma aldri har sett henne, men mamma føler seg fram med fingrane og kan kjenne at Victoria har fletter i håret og har mista ei tann.

Tuva bur i ein familie som vil bli flinkare til å passe på naturen. Tuva er redd for at jorda skal bli ødelagt og derfor har ho fått med seg familien til å rydde fjøra for boss. Der finn dei utruleg mykje rot og skrot!