Det ljuva livet i Alaska

Northern Exposure

Doktor Joel Fleischman står midt i audemarka med golfklubbene sine og ventar. Bussen har frakta han frå Anchorage til den vesle landsbyen Cicely langt i Alaska. For å betale tilbake utdanningsstipendet sitt må han no flytte til den vesle bygda.

Joel er heilt hjelpelaus og klønete i hytta si. Han klarer ikkje å reparere dusjen og må velje mellom å spørje Maggie om hjelp eller bade i den iskalde innsjøen. Samtidig må han utvise stor sensitivitet og kløkt når han skal pleie ein kreftsjuk.

Gretne, gamle Soapy Sanderson utnemner Joel og Maggie til arvingar av hans store skogseigedom. Maggie ynskjer å gjere eigedommen om til eit naturreservat, men blir overraska over at Joel vil donere den til urfolket.

Joel planlegg eit romantisk gjensyn med forloveden Elaine, men får det travelt då Cicely blir råka av influensa. Innbyggjarane mistenker han for å vere ein russisk spion som spreier viruset.

Ed skriv eit filmmanus og leiter etter inspirasjon. I mellomtida dukkar mannen til Shelley opp for å be om skilsmisse. Dette kjem som eit sjokk for Holling, som ikkje visste at Shelley var gift. Samstundes får Rick høyre om O'Connell-forbanninga.

Då broren døyr, innser Maurice at han står utan arvingar. For å verne om framtida til Minnifield-konsernet, bestemmer han seg for å adoptere Chris. Samtidig held Joel fødekurs, medan Holling drar på jakt etter ein gammal motstandar: bjørnen Jesse.

Joel får høyre om den legendariske Adam, ei lokal utgåve av Bigfoot-myta. Adam seiast å stå bak alle slags rare hendingar dei siste 15 åra. I mellomtida dukkar Bernard opp. Chris og Bernard finn tonen ganske fort.