Det ljuva livet i Alaska

Northern Exposure

Joel får eit brev frå kjærasten Elaine. Ho gjer det slutt, noko han tek tungt. Ikkje ein gong Chris, som tek han med på eit feilslått stevnemøte med to studentar, klarar å få tankane hans vekk frå Elaine og hjartesorga.

Ein vis, gammal ånd som berre urfolket kan sjå, hjelper Ed i søket etter dei biologiske foreldra sine. I mellomtida mister Chris munn og mæle over synet av ei mystisk, vakker kvinne.

Maggie får panikk når ho får vite at faren kjem på besøk. I eit brev til han skreiv ho at kjærasten hennar er den suksessrike doktor Fletcher, ikkje den ukultiverte landsbypiloten Rick. No må ho be Joel om hjelp til å spele med.

Joel planlegg ein tur heim til New York, men blir sjalu da vikaren hans sjarmerer innbyggjarane i Cicely. I mellomtida engstar Maggie seg etter å ha drøymd om ein flystyrt, medan Maurice og Ingrid held fram flørten sin.

Ein mystisk kleptoman som slår til kvart år, er tilbake. Medan Ed prøver å finne ut kven som står bak tjuveria, blir resten av folket i Cicely gripne av galskap. Maurice faller pladask for ei tilreisande politietterforskar.

Ein russisk songar gjer sin årlege visitt til byen, og alle bortsett frå Maurice gler seg over å ha han tilbake. Samstundes er Holling plaga av mareritt, og Joel prøver å hjelpe.

Rick får ein fallande satellitt i hovudet, og innbyggjarane sørger over den tragiske, men litt komiske bortgangen. Dødsfallet styrkjer ryktet om at det kviler ei forbanning over Maggie. I mellomtida prøver Maurice å selje eigedom til to menn.