Eg går på

Lars skal byrje på klatring. Han har ein skade som gjer det litt vanskelegare for han å klatre, men han har lyst å klare det likevel.

Taimaa diggar å spele fotball, og synest det er aller kjekkast å score mål. No skal ho byrje på eit ordentleg fotballag, og snart skal ho spele sin første kamp.

Amanda køyrer trialsykkel, og skal vere med på sin første konkurranse. Men konkurransen blir vanskelegare enn ho hadde trudd.

Matias Olai går på folkedans, og vil bli like flink som søstrene. Snart skal dei danse for eit stort publikum, og Matias Olai er spent på om han hugsar alt.

Eline er veldig glad i musikk, og skal byrje å spele piano. Men så endrar koronaviruset alt, og plutseleg kan ho ikkje møte pianolæraren som vanleg.

Emma synest hestar er søte, men tør ikkje å klappe dei. No har ho begynt på ridetimar, og vil bli trygg på hesten for då kan ho ri heilt åleine.

Erik gler seg til å byrje på turn med dei andre frå skulen. Han har lyst å lære seg å ta salto, men så blir alle treningane avlyst, og Erik må øve på eigehand.

Yumna elskar å vere i vatnet, men verken ho eller mor hennar kan symje. Difor har Yumna no begynt på symjekurs.